ახალციხის მუნიციპალიტეტის დამეწყრილ ზონებს გეოლოგები შეისწავლიან

დამეწყრილი ტერიტორიების აღრიცხვა სოფლებში გამგებლის წარმომადგენლებს დაევალათ.

„გაირკვა, რომ სოფელ აწყურის გარდა, კიდევ რამდენიმე სოფელია ახალციხის მუნიციპალიტეტში, რომელიც დამეწყრილ ადგილზე მდებარეობს. ვიკვლევთ კიდევ ხომ არ არის ასეთი ადგილები. ჩამოვლენ გეოლოგები, შეისწავლიან და დადებენ დასკვნას, რის შემდეგაც, შევეცდებით დავეხმაროთ ოჯახებს“, – ამბობს ახალციხის მუნიციპალიტეტის გამგებლის მოადგილე გურამ მელიქიძე.

ახალციხის მუნიციპალიტეტში რამდენი სოფელია მეწყერსაშიშ ზონაში და რამდენი ოჯახი ცხოვრობს საფრთხის ქვეშ, ამ ეტაპზე ცნობილი არ არის.

[მანანა სარაშვილი, ახალციხე]