ახალციხის გამგეობაში გასაუბრება დაიწყო

ახალციხის მუნიციპალიტეტის გამგეობაში გასაუბრება 12:00 საათზე დაიწყო და დღის ბოლომდე გაგრძელდება. როგორც ახალციხის მუნიციპალიტეტის გამგეობაში აცხადებენ, დღეს გასაუბრებას 20 კონკურსანტი გაივლის.

საკონკურსო – საატესტაციო კომისიას ახალციხის მუნიციპალიტეტის გამგებელი ზაზა მელიქიძე ხელმძღვანელობს. კომისიის წევრები არიან გამგებლის მოადგილე გურამ მელიქიძე, ახალციხის მუნიციპალიტეტის გამგეობის ადმინისტრაციის სამსახურის უფროსი ილია ზარდიაშვილი, ახალციხის მუნიციპალიტეტის საკრებულოს თავმჯდომარე დავით ლომიძე და სახელმწიფო რწმუნებულის – გუბერნატორის ადმინისტრაციის მთავარი სპეციალისტი ნინო ნემსაძე.

როგორც გამგეობის ადმინისტრაციის სამსახურში განმარტავენ, თანხმობის შემთხვევაში შესაძლებელია საკონკურსო – საატესტაციო კომისიას "რეგიონული განვითარების ასოციაციიდან" კიდევ ერთი წევრი დაემატოს.

[მანანა სარაშვილი, ახალციხე]