ვინ იქნებიან ქალაქის საკრებულოში მუდმივმოქმედი კომისიის წევრები

ქალაქის საკრებულოში შექმნილ იურიდიულ საკითხთა კომისიას შალვა გოგოლაძე უხელმძღვანელებს, კომისიის წევრები იქნებიან ნინო ანანიაშვილი და მამუკა მიქელაძე.

საფინანსო–საბიუჯეტო, ეკონომიკისა და ქონების მართვის საკითხთა კომისიის თავმჯდომარე შოთა ნასყიდაშვილი იქნება, ამავე კომისიის წევრები კი ნინო ანანიაშვილი, მამუკა მიქელაძე, ჯიმშერ გოგოლაური და მალხაზ გიქოშვილი.

რაც შეეხება კულტურის, განათლების, სპორტისა და ახალგაზრდულ საქმეთა კომისიას, მისი თავმჯდომარე გელა პეტაშვილია, წევრები კი დავით ლომიძე, ამბარცუმ ბაბოიანი და ირმა ხნკოიანი.

ჯანდაცვისა და სოციალურ საკითხთა კომისიის თავმჯდომარე ამბარცუმ ბაბოიანი იქნება, წევრები დავით ლომიძე და კობა გელაშვილი.

ურბანული დაგეგმარებისა და საქალაქო მეურნეობის საკითხთა კომისიას სამველ ოვეიანი უხელმძღვანელებს, წევრები კი იქნებიან შოთა ნასყიდაშვილი, გელა პეტაშვილი, ჯიმშერ გოგოლაური და ზურაბ სადათიერაშვილი.

დღევანდელი საკრებულოს დღის წესრიგის მიხედვით უნდა დამტკიცებულიყო სხვადასხვა სამსახურების დებულებებიც. თუმცა, სხდომა ხვალისთვის გადაიდო. საკრებულოს დეპუტატებმა მომავალ სხდომაზე იმ პირის დასწრება მოითხოვეს, ვინც განმარტავს თუ რატომაა საჭირო ამდენი სამსახური.

[თამარ თოთაძე, ახალციხე]