თვითმმართველი ქალაქის ახალციხის საკრებულოს პირველი სხდომა ხმაურით დაიწყო

თვითმმართველი ქალაქის ახალციხის საკრებულოს პირველი სხდომა 15:00 საათზე დაიწყო.

სხდომის დასაწყისში N37–ე ახალციხის საოლქო საარჩევნო კომისიის თავმჯდომარემ თეა გავაშელმა დეპუტატებს 2014 წლის 15 ივნისის ადგილობრივი თვითმმართველობის ორგანოების არჩევნების შემაჯამებელი ოქმი გააცნო.

ამის შემდეგ დროებითი სამანდატო კომისიის წევრები აირჩიეს: დროებითი სამანდატო კომისიის თავმჯდომარე შალვა გოგოლაძე და წევრები: გელა პეტაშვილი და ნინო ანანიაშვილი.

კომისიის წევრების არჩევა გააპროტესტა საკრებულოს დეპუტატმა „ნინო ბურჯანაძე – ერთიანი ოპოზიციიდან ჯიმშერ გოგოლაურმა.

გოგოლაურმა განაცხადა, რომ მას საშუალება არ მისცეს კომისიის წევრებად თავისი კანდიდატურები დაესახელებინა.

უკვე აირჩიეს დროებითი ხმის დამთვლელი კომისიაც, რომლის შემადგენლობაში არიან: სამველ ოვეიანი, მამუკა მიქელაძე და კობა გელაშვილი.

ამ წუთებში დეპუტატებმა ქალაქის საკრებულოს თავმჯდომარე უნდა აირჩიონ. ამ პოსტზე მხოლოდ ერთი კანდიდატია წარდგენილი, კახა ბერიძე „ქართული ოცნებიდან“.

[sknews.ge]