თვითმმართველი ქალაქის ახალციხის საკრებულოს თავმჯდომარედ კახა ბერიძე აირჩიეს

კახა ბერიძეს ამ პოსტზე კონკურენტი არ ჰყოლია. თვითმმართველი ქალაქის ახალციხის 15 დეპუტატიდან მას მხარი 11 დეპუტატმა დაუჭირა.

კახა ბერიძე ფარული კენჭისყრით აირჩიეს, ხმები ასე გადანაწილდა: 11 მომხრე, 3 წინააღმდეგი, 1 ბათილი ხმა.

ამ წუთებში დეპუტატები საკრებულოს თავმჯდომარის მოადგილის კანდიდატურას უყრიან კენჭს. ამ პოსტზე ასევე "ქართული ოცნების" წევრი, "რესპუბლიკელი" თამარ გოგოლაძეა დასახელებული.

შეგახსენებთ, თვითმმართველი ქალაქის ახალციხის საკრებულოს პირველი სხდომა 15:00 საათზე დაიწყო.

სხდომის დასაწყისში N37–ე ახალციხის საოლქო საარჩევნო კომისიის თავმჯდომარემ თეა გავაშელმა დეპუტატებს 2014 წლის 15 ივნისის ადგილობრივი თვითმმართველობის ორგანოების არჩევნების შემაჯამებელი ოქმი გააცნო. შემდეგ კი დროებითი სამანდატო და ხმის დამთვლელი კომისიების წევრები აირჩიეს.

[sknews.ge]