ახალციხეში ქალების პოლიტიკაში ჩართულობაზე იმსჯელეს

შეხვედრას, რომელიც ასოციაცია „ქალი და განვითარების“ ორგანიზებით მოეწყო, ახალციხის მერობისა და მაჟორიტარობის კანდიდატები ესწრებოდნენ.

შეხვედრაზე კანდიდატებმა იმსჯელეს თუ თუ რა არის ხელისშემშლელი და ხელისშემწყობი ქალთა პოლიტიკური მონაწილოების გასაზრდელად და გადაწყვეტილებების პოზიციებზე ქალების მოსასვლელად.

„პირადად ჩემთვის, როგორც ქალი კანდიდადტისთვის, ასეთი შეხვედრები არის ერთგვარი მხარდაჭერა. მოგეხსენებათ, რომ ამომრჩეველთა რიცხვიდან ქალები ჭარბობენ, აქედან გამომდინარე ძალიან მნიშვნელოვანია, რომ ქალები მოვიდნენ თავისი ამომრჩევლების პრობლემების მოსაგვარებლად“, – ამბობს „არასაპარლამენტო ოპოზიციიდან“ მერობის კანდიდატი ნატალი სისვაძე.

როგორც ასოციაცია „ქალი და განვითარების“ გამგეობის თავმჯდომარე ფატი ბუხრიკიძე ამბობს, შეხვედრის მონაწილეებს საინტერესო და ინოვაციური წინადადებები ჰქონდათ, რასაც ორგანიზაცია სამომავლოდ გაითვალისწინებს.

ასოციაცია „ქალი და განვითარება“ მსგავსი შეხევდრების გამართვას გეგმავს ნინოწმინდაში, გორში, კასპსა და ქარელში.

[მანანა სარაშვილი, ახალციხე]