'არასაპარლამენტო ოპოზიციამ' მერობისა და გამგებლობის კანდიდატები წარადგინა

„არასაპარლამენტო ოპოზიციამ“ ამომრჩევლებთან შეხვედრა ახალციხის სამუსიკო სკოლის დაბრაზში გამართა.

როგორც "ახალი მემარჯვენეების" ლიდერი ფიქრია ჩიხრაძე ამბობს, ოპოზიციური მოძრაობის ისტორიაში პირველი პრეცენდენტია, როცა არასაპარლამენტო ოპოზიცია არჩევნებში სრულფასოვანი გუნდით მონაწილეობს.

"ყველა ქალაქში გვყავს მერობის კანდიდატი, ასევე სრულად გვყავს დაკომპლექტებული მაჟორიტართა კორპუსი, პროპორციული სიაც ძალიან საინტერესოა. საზოგადოების ბევრ წარმომადგელენს გავუხსენით კარი და არ ჩავკეტეთ ეს მხოლოდ პარტიულ ჩარჩოში", - ამბობს იგი.

პოლიტიკურმა ალიანსმა „არასაპარლამენტო ოპოზიციამ“ ახალციხის მერობის კანდიდატად ნატალია სისვაძე დღეს ოფიციალურად წარადგინა.

„ჩვენი მერობის კანდიდატი არის ქალი და ეს არის იშვიათი გამონაკლისი. ამიტომ დიდი იმედი გვაქვს, რომ ნატალია სისვაძეს ექნება ძალიან დიდი მხარდაჭერა“,-ამბობს ჩიხრაძე.

„არასაპარლამენტო ოპოზიციამ“ დღესვე კანდიდატები წარადგინა გორში.ალიანსი შეხვედრებს ხვალ, კახეთში ვიზიტით დაასრულებს, რის შემდეგადაც „არასაპარლამენტო ოპოზიცია“ მოსახლეობასთან შეხვედრებს დაიწყებს.



[მანანა სარაშვილი, ახალციხე]