ახალციხეში ასოციაცია „ქალი და განვითარებამ“ შემაჯამებელი შეხვედრა გამართა

შეხვედრას, რომელიც ასოციაცია „ქალი და განვითარების“ ორგანიზებით მოეწყო სკოლის მოსწავლეები, სტუდენტები, საზოგადოებრივად აქტიური ახალგაზრდები და პოლიტიკოსი ქალები ესწრებოდნენ.

ასოციაცია „ქალი და განვითარების“ გამგეობის თავმჯდომარემ ფატი ბუხრიკიძემ პროექტის ფარგლებში სამცხე–ჯავახეთში და შიდა ქართლში განხორციელებული აქტივობები შეაჯამა.

ფატი ბუხრიკიძის თქმით ასოციაციამ ახალციხეში არაერთი შეხვედრა გამართა, რა დროსაც რამდენიმე პრობლემა გამოიკვეთა.

„პირველი პრობლემა რაც გამოიკვეთა ეს არის სახელმწიფო ენის არცოდნა, რომელსაც მოსდევს ინფორმაცის ნაკლებობა, მზარდი სიღარიბე, ასევე ქალთა ჯანმრთელობის პრობლემა, რომელიც საკმაოდ მწვავედ დგას, ოჯახური ძალადობა და სხვა“,–ამბობს ბუხრიკიძე და აქვე ამატებს, რომ ერთიანი ძალებით უნდა მოხდეს ქალების გაძლიერება რათა მათი ცხოვრება უკეთესობისკენ შეიცვალოს.


[მანანა სარაშვილი, ახალციხე]