ახალციხეში ქალების პოლიტიკაში ჩართულობაზე იმსჯელეს

ორგანიზაციამ „ქალები სამართლიანობისთვის“ ახალციხის ადმინისტრაციულ შენობაში სხვადასხვა საჯარო სამსახურის წარმომდგენლებთან და აქტიურ მოქალაქეებთან შეხვედრა გამართა. შეხვედრის მიზანს, ქალების პოლიტიკურ და საზოგადოებრივ ცხოვრებაში აქტიური ჩართვა წარმოადგენდა.

აღნიშნულ თემაზე შეკრებილებს „სოციალ- დემოკრატები საქართველოს განვითარებისათვის" თავმჯდომარე, საქართველოს პარლამენტის წევრი, გარემოს დაცვისა და ბუნებრივი რესურსების კომიტეტის თავმჯდომარე გია ჟორჟოლიანი ესაუბრა.

შეხვედრის ერთ–ერთი მონაწილე ნანა ბაღდოშვილი ამბობს, რომ მსგავსი სახის შეხვედრების რეგიონებში გამართვა ძალიან მნიშვნელოვანია: “ საქართველოში ბევრი აქტიური ქალია“.

ჟორჟოლიანის თქმით, ახალციხეში განათლებული და ძველი ტრადიციების მქონე საზოგადოება ცხოვრობს: „ფართოდ ვისაუბრეთ ქალთა პრობლემებზე და იმ საკითხებზე, რომლებიც დღესდღეობით ძალზე აქტუალურია“.

მისი თქმით, მსგავსი სახის შეხვედრები სხვა რეგიონებში უკვე ჩატარდა.

[ვარლამ წიკლაური, ახალციხე]