ახალციხესთან ახლოს მანქანა ხევში გადავარდა

შემთხვევა ახალციხის მუნიციპალიტეტის სოფელ წნისთან, დაახლოებით 14:00 საათზე მოხდა. ”გოლფის” მარკის ავტომობილი გზის სავალი ნაწილიდან გადავიდა და ხევში ჩავარდა.

ამოტრიალებული მანქანის გასწორებას საგანგებო სიტუაციათა მართვის სამსახურის თანმშრომლები ნახევარი საათის განმავლობაში ცდილობდნენ.

”მძღოლმა საჭე ვერ დაიმორჩილა და გადავარდა. ავტომობილში სამნი ისხდნენ. მგზავრები სასწაფომ წაიყვანა. ამწე ამოათრევს მანქანას, შემდეგ ევაკუატორზე დადებენ და წაიღებენ”, - გვიხსნის საგანგებო სიტუაციების მართვის სასმახურის სპეციალისტი ზვიად დეკანოიძე.

ავტომანქანაში მსხდომები: თეიმურაზ ზედეგინიძე და თემურ კაპანაძე, სასწრაფო დახმარების სამსახურმა ახალციხის რაიონულ საავადმყოფოში გადაიყვანა.

”ზედგინიძეს აქვს მარცხენა მხრის ზედა მესამედში მრავლობითი ჭრილობები, თუმცა, ჭრილობები ღრმა არ არის. ასევე მტევნის არეში ექსკორეაციები აქვს”, - ამბობს ახალციხის რაიონული საავადმყოფოს მორიგე ქირურგი კობა გრიგალაშვილი.

რაც შეეხება კაპანაძეს, ჭრილობა აქვს მარცხენა მტევნის არეში.

”დაშავებულების სიცოცხლეს საფრთხე არ ემუქრება. ორივე მათგანი ალკოჰოლური ზემოქმედების ქვეშ იმყოფება”, - აცხადებს ქირურგი.

ადგილზე მობილიზებულია საპატრულო პოლიცია, სამაშველო და სასწრაფო სამედიცინო დახმარების სამსახურები.

[თამუნა უჩიძე, ახალციხე]