ვალესთან მანქანა ხევში გადავარდა

შემთხვევა, დღეს, 6 მაისს, დაახლოებით 11:30 საათზე მოხდა.

როგორც ახალციხის გამგებლის წარმომადგენელი ვალის ტერიტორიულ ორგანოში ელიოზ ბარბლიშვილი ამბობს, მანქანაში ვალეში მცხოვრები ორი მამაკაცი იჯდა: „ერთი კარგადაა, მეორე საავადმყოფოში გადაიყვანეს“.

მისი თქმით, მანქანა სწრაფად მოძრაობდა, მარცხენა მხარეს გადავიდა, ხევში გადავარდა და ამოყირავდა.

ამ დროისთვის მანქანა საჯარიმო ავტოსადგომზე გადაჰყავთ.

მომხდარს შსს სსკ–ის 276–ე მუხლის პირველი ნაწილით იძიებს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.



[sknews.ge]