სოფელ ბენარასთან მანქანა ხევში გადავარდა [ფოტო]

ავტოსაგზაო შემთხვევა დაახლოებით 16:00 საათზე მოხდა. როგორც თვითმხილველები ჰყვებიან ავტომობილი ახალციხიდან ადიგენის მიმართულებით მოძრაობდა. მძღოლმა საჭე ვერ დაიმორჩილა, გზის სავალი ნაწილიდან გადავიდა და რამდენჯერმე ამოტრიალდა.

დაშავებული ადიგენის სასწრაფო სამედიცინო დახმარების ჯგუფმა ახალციხის რეფერალურ ჰოსპიტალში გადაიყვანა.

„ახალგაზრდა ქალია შემოყვანილი, მძიმე დაზიანებები არ აქვს, ამ ეტაპზე გამოკვლევები უტარდება“, – აცხადებენ კლინიკაში.

შინაგან საქმეთა სამინისტრომ საქმეზე ძიება, სსკ-ის 276 მუხლის მე-2 ნაწილით დაიწყო.





[ლუბა გიორგაძე, ადიგენი]