დასეტყვილ ასპინძაში სამაშველო სამსახური მუშაობს

ასპინძის მუნიციპალიტეტში სამაშველო სამსახური რეგიონის მასშტაბითაა მობილიზებული. სამცხე-ჯავახეთის გუბერნატორის ადმინისტრაციის საგანგებო სიტუაციების მართვის სამსახურის უფროსის კობა კურტანიძის განცხადებით, ამ დროისთვის ასპინძაში ოთხი ეკიპაჟი მუშაობს: „ერთი ეკიპაჟი რეზერვშია, ეს იმისთვის, რომ სადმე რამე თუ მოხდება, დახმარება შევძლოთ“.

სტიქიის ზონაში იმყოფება სამცხე-ჯავახეთის გუბერნატორი აკაკი მაჭუტაძე. მისი თქმით, სტიქიას მსხვერპლი არ მოჰყოლია: „არც პირუტყვია დახოცილი. წყალია შესული კორპუსებში და დატბორილია ნათესები“.

მაჭუტაძის განცხადებით, მას შემდეგ რაც წყლის დონე დაიწევს, უფრო ნათელი გახდება ზარალის ოდენობა.

„ალბათ შეიქმნება ზარალის დამთვლელი კომისია“, - აცხადებს მაჭუტაძე.

[თამუნა უჩიძე, ახალციხე]