ასპინძაში ყველაზე მოთხოვნადი სახანძრო-სამაშველო სამსახური აღმოჩნდა

ასპინძის მუნიციპალიტეტის გამგეობაში მიმდინარე საჯარო მოხელეთა შესარჩევ კონკურსში განაცხადების მიღება 13 მარტს დასრულდა, თუმცა, კომისიამ შედეგები 24 მარტს დაითვალა.

ასპინძის მუნიციპალიტეტის გამგეობაში სამსახურის უფროსის თანამდებობაზე ყველაზე მეტი, 13 განცხადება, გამგეობის ადმინისტრაციისა და ადამიანური რესურსების მართვის სამსახურის უფროსის პოსტზე შევიდა; ექვსი განაცხადია შესული გამგეობის სოციალური და ეკონომიკური განვითარების სამსახურის უფროსის ვაკანსიაზე; ხუთი - სამხედრო აღრიცხვის, გაწვევის, რეზერვისტთა და მობილიზაციის სამსახურის უფროსის პოსტზე; ოთხი კონკურსანტი იბრძვის გამგეობის იურიდიული სამსახურის უფროსის პოზიციის დასაკავებლად;

ასევე ოთხი განაცხადია სახანძრო დაცვისა და სამაშველო სამსახურის უფროსის პოსტზე და ხუთი სამაშველო სამსახურის განყოფილების უფროსის ვაკანსიაზე.

მეხანძრე - მაშველის 9 ვაკანტურ პოსტზე 47 განაცხადია შესული; 13 განაცხადი შევიდა ამავე სამსახურში სპეციალისტ- ათმეთაურის პოზიციაზე და ამდენივე, 13 განცხადება მძღოლის ვაკანსიაზე;

ასპინძის მუნიციპალიტეტის ტერიტორიული ორგანოს 7 რწმუნებულსა და ამავე ტრიტორიული ორგანოს 13 მთავარ სპეციალისტზე ჯამში 71 განცხადებაა შესული. აქედან, 40 - მთავარი სპეციალისტის პოზიციაზე, დანარჩენი რწმუნებულების;

ასპინძის მუნიციპალიტეტის გამგეობაში საჯარო მოხელეთა შესარჩევი კონკურსი ორ ეტაპად 4 და 5 მარტს გამოცხადდა. თებერვლის თვეში დაკომპლექტდა ადგილობრივი თვითმმართველობის მოსამსახურეთა საკონკურსო-საატესტაციო და საპრეტენზიო კომისიაც.

საკონკურსო კომისიას, რომელიც ცხრა წევრისგან შედგება, ასპინძის მუნიციპალიტეტის საკრებულოს თავმჯდომარე ალექსანდრე მელიქიძე ხელმძღვანელობს.

საპრეტენზიო კომისია ხუთი წევრისგან შედგება. კომიიის თავმჯდომარე ასპინძის მუნიციპალიტეტის გამგებლის მოადგილე ალექსანდრე პაპაშვილია, წევრები კი არიან მანუჩარ სანდროშვილი, ემირ ბალოიანი, თამაზ გიგაშვილი და თამაზ ზედგინიძე.

[თინათინ ზაზაძე, ასპინძა]