ძლიერმა წვიმამ და სეტყვამ ასპინძის მუნიციპალიტეტი დააზარალა

ძლიერი წვიმა და სეტყვა ასპინძაში დაახლოებით 16:30 საათზე დაიწყო. ადგილობრივების თქმით, სეტყვა 20 წუთს გაგრძელდა.

„გაგვინადგურა ხეხილი, წალეკა ნათესები, დატბორა სახლების პირველი სართულები“, – გვითხრეს დაბა ასპინძაში მცხოვრებლებმა, რომლებიც თავად დაგვიკავშირდნენ.

ამ წუთისთვის, ასპინძიდან ახალციხის მიმართულებით, გზაზე არსებული დიდი ნიაღვრების გამო მოძრაობა შეფერხებულია. გადაადგილება მხოლოდ ორხიდიან მანქანებს შეუძლიათ.

„ასპინძის შესასვლელში ოთის წყალი გადმოდის გზაზე. წაღებულია ყველაფერი, ამოდით და თქვენი თვალით ნახეთ მომხდარი“, – განუცხადა „სამხრეთის კარიბჭეს“ ასპინძის მუნიციპალიტეტის გამგებლის მოადგილემ ალექსანდრე პაპაშვილმა.

მისივე თქმით, სტიქიის ადგილას უკვე იმყოფებიან გამგეობის თანამშრომლები, რომლებიც ვითარებას სწავლობენ.

კითხვაზე, თუ შეიქმნა ზარალის დამდგენი კომისია, პაპაშვილი გვპასუხობს, რომ ჯერ ამის დრო არ ჰქონდათ: „ამ წუთებში მთავარია ადამიანები არ დაზარალდნენ, დანარჩენზე მოგვაინებით ვიზრუნებთ. საქმის კურსში ჩავაყენებთ სამხარეო ადმინისტრაციასაც“.









[sknews.ge]