აგარის მონაკვეთზე მომხდარი ავტო-საგზაო შემთხვევა გახსნილია

საქართველოს შინაგან საქმეთა სამინისტროს პრესსამსახურის წარმომადგენლის ეკატერინე ათოშვილის განმარტებით, საქმეზე ძიებას შიდა ქართლის საპატრულო პოლიცია აწარმოებს.

ძიება საქართველოს სისხლის სამართლის კოდექსის 276–ე მუხლის 1–ლი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

შსს–ს ინფორმაციით, შემთხვევის ადგილიდან არც ავტობუსის და არც ჯიპის მძღოლი არ მიმალულა. საქმე უკვე გახსნილია.

შეგახსენებთ, დღეს, 12 მაისს, ერთი საათის წინ, ახალციხე-თბილისის ავტომაგისტრალის აგარის მონაკვეთზე, თბილისიდან ახალციხეში მომავალ ავტობუსს ავარია შეემთხვა, რომლის შედეგად ერთი ადამიანი ადგილზე გარდაიცვალა, არიან დაშავებულებიც. დაშავებულები ქარელისა და გორის საავადმყოფოებში გადაჰყავთ.

[sknews.ge]