მომხადარი ავტო-საგზაო შემთხვევის შედეგად ერთი მცირეწლოვანი ბავშვი ქარელის, ორი დაშავებული კი გორის საავადმყოფოში გადაიყვანეს.">

ავარიის შედეგად დაშავებული მგზავრები საავადმყოფოებში გადაჰყავთ

მთავარი → სამართალი » შემთხვევა 12.05.2014

ახალციხე-თბილისის ავტომაგისტრალის აგარის მონაკვეთზე მომხადარი ავტო-საგზაო შემთხვევის შედეგად ერთი მცირეწლოვანი ბავშვი ქარელის, ორი დაშავებული კი გორის საავადმყოფოში გადაიყვანეს.

ავარიის შედეგად დაშავებული მგზავრები საავადმყოფოებში გადაჰყავთ

ამ დროისთვის რეგიონული ჯანდაცვის ცენტრ "ქარელში" მხოლოდ 8 წლის გ.ლ. შეიყვანეს. როგორც აღნიშნული საავადმყოფოს რეგისტრატორი "სამხრეთის კარიბჭესთან" სატელეფონო საუბარში ამბობს, ბავშვი მძიმე ტრამვითაა შეყვანილი.

"მისი ჯანმრთელობის მდგომარეობის შესახებ ვერაფერს გეტყვით", - ამბობს იგი და ამატებს, რომ ამ დროისთვის დაშავებულების გადასაყვანად კატასტროფის მედიცინის ცენტრის ბრიგადებს იძახებს.

მხოლოდ ორი დაშავებული შეიყვანეს ამ დრომდე შპს "გორიმედში". ორივე მათგანი, დედა-შვილი, "ფორდის" მარკის ჯიპში იჯდა.

"მათი მდგომარეობა დამაკმაყოფილებელია. დედას თავზე ჰქონდა ჭრილობა და გაეწერა უკვე, შვილი კი ტრავმატოლოგმა მიიღო და თაბაშირს ადებენ ახლა", - ამბობს "გორიმედის" მორიგე ქირურგი კახა თათინაშვილი და ამატებს, რომ ჯერ გორის საავადმყოფოებში სხვა დაშავებული არ შეუყვანიათ.

შეგახსენებთ, რომ ახალციხე-თბილისის ავტომაგისტრალის აგარის მონაკვეთზე, თბილისიდან ახალციხეში მომავალ ავტობუსს ავარია შეემთხვა, რომლის შედეგად ერთი ადამიანი, ქარელის მუნიციპალიტეტის სოფელ აგარაში მცხოვრები შუახნის მამაკაცი ადგილზე გარდაიცვალა.

[თამუნა უჩიძე, ახალციხე]