ექსკურსიაზე მიმავალ მიკროავტობუსს ავარია შეემთხვა

შემთხვევა დღეს, 7 ივნისს, ახალციხეში თამარშვილის ქუჩაზე მდებარე წრიულ მოედანთან დაახლოებით 09:30 საათზე მოხდა.

ადიგენის მხრიდან მომავალმა მიკროავტობუსმა წრიულ მოედანზე „ნისანის“ მარკის ავტომობილს გზა არ დაუთმო და შეეჯახა.

მიკრო ავტობუსს ადიგენის მუნიციპალიტეტის სოფელ ბოლაჯურის საჯაროს კოლის მოსწავლეები ექსკურსიაზე გორში მიყავდა.

ადგილზე მობილიზებულია საპატრულო პოლიცია და ექსპერტ–კრიმინალისტები.

შემთხვევის შედეგად არავინ დაშავებულა.

საქართველოს შინაგან საქმეთა სამინისტროს ინფორმაციით, მომხდარზე გამოძიება 276-ე მუხლის 1-ლი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

[ვარლამ წიკლაური, ახალციხე]