სამცხე-ჯავახეთის გუბერნიაში აპარატის უფროს სპეციალისტებს არჩევენ

სამცხე-ჯავახეთის სახელმწიფო რწმუნებულის-გუბერნატორის აპარატის უფროსის გიორგი მიქელაძის თქმით, საქმის მწარმოებლის პოზიციაზე 19, იურისტის ვაკანსიაზე კი 13 განაცხადია შესული.

საქმის მწარმოებლებისთვის გასაუბრება 10:00 საათზე დაიწყო, იურისტებისთვის კი 13:00 საათზე.

შეგახსენებთ, კონკურსის მეორე ტური, გასაუბრებები, გუბერნიაში გუშინ, 14 აპრილს დაიწყო. გუშინ გასაუბრება იმ კონკურსანტებმა გაიარეს, რომელთაც განაცხადი სახელმწიფო რწმუნებულის-გუბერნატორის აპარატის მთავარი სპეციალისტისა და სპეციალისტის ვაკანსიაზე ჰქონდათ შეტანილი. მთავარი სპეციალისტის ვაკანსიაზე 7, სპეციალისტის ვაკანსიაზე კი 22 კანდიდატი იყო, ამთგან გასაუბრებაზე მხოლოდ 18 აპლიკანტი გამოცხადდა.

ხვალ, 16 აპრილს გასაუბრებას ადგილობრივი თვითმმართველობის ორგანოებთან ურთიერთობის სამსახურის უფროსისა და უფროსის მოადგილის პრეტენდენტები გაივლიან.

[მანანა სარაშვილი, ახალციხე]