მეხუთე სკოლაში, სადაც დილიდან ხმაურია, დახურული სხდომა იწყება

ახალციხის საგანმანათლებლო რესურსცენტრის დირექტორი ხათუნა ხმალაძე სკოლაში დილიდან იმყოფება და ვითარებისდ დარეგულირებას ცდილობს.

შეხვედრაზე, რომელზეც მედიის წარმომადგენლებს არ უშვებენ, პედკოლექტივმა და რესურსცენტრის წარმოამდგენლებმა შექმნილი ვითარებიდან გამოსავალი უნდა იპოვონ.
პედაგოგები ამბობენ, რომ თუ სკოლაში დირექტორის მოვალეობის შემსრულებლად ინგა ვარდიძე დარჩება, სასწავლო პროცესს ჩაშლიან. სხდომის დამთავრებისთანავე ქუჩაში გამოვლენ და საპროტესტო აქციას გამართავენ.

შეგახსენებთ, დღეს, 13 მარტს, რესურსცენტრმა სკოლაში დირექტორის მოვალეობის ახალი შემსრულებელი ინგა ვარდიძე წარადგინა. ვარდიძის გამოჩენას მოსწავლეებისა და პედაგოგების პროტესტი მოჰყვა.

[sknews.ge]