რა კრიტერიუმებით შეარჩევენ იმ დევნილებს, ვინც ბორჯომში ახალ ფართს დაიკავებს?

ორსართულიან შენობაში რეკონსტრუქციის შედეგად 18 საცხოვრებელი ბინა გამოიყოფა: რვა ერთოთახიანი, ხუთი ოროთახიანი და ხუთი სამოთახიანი. შენობა ადაპტირებული იქნება შეზღუდული შესაძლებლობების მქონე პირებისთვის.

საქართველოს ლტოლვილთა და განსახლების სამინისტროს შიდა ქართლისა და სამცხე-ჯავახეთის ტერიტორიული ორგანოს უფროსის მოვალოების შემსრულებელი თამაზ გვიმრაძე ამბობს, რომ შენობა იქნება გაზიფიცირებული და გაკეთდება ინდივიდუალური გამრიცხველიანებაც.

მისივე განმარტებით, ბინებით ის ოჯახები დაკმაყოფილდებიან, რომლებსაც ის ფართი, სადაც ამჟამად ცხოვრობენ, დაკანონებული არ აქვთ. მათ ბინების მისაღებად სპეციალური აპლიკაციები უნდა შეავსონ. აპლიკაციების შევსების დროს ლტოლვილთა სამინისტრო შენობის რეაბილიტაციის დასრულებამდე გამოაცხადებს.

„აპლიკაციის შევსება ბორჯომის ტერიტორიაზე მცხოვრებ ყველა დევნილს შეუძლია. ბინით მხოლოდ ის დევნილები დაკმაყოფილდებიან, რომლებსაც სამინისტრო მაღალ ქულებს მიანიჭებს. მათ, ვისაც სახელმწიფო ბინით, ან ფულადი კომპესაციით აკმაყოფილებს, აპლიკაციის შევსების უფლება არ აქვს“,- ამბობს გვიმრაძე და ამატებს, რომ აპლიკაცია დევნილებმა გორის სამმართველოში უნდა შეავსონ.

შენობის სარეკონსტრუქციო სამუშაოები, USAD-ის დაფინანსებით და მუნიციპალური განვითარების ფონდის დაკვეთით ხორციელდება. სამუშაოებს სააქციო საზოგადოება „ტრანს მშენი“ ასრულებს. კომპანიამ შენობის რეკონსტრუქცია მიმდინარე, 2014 წლის ივლისის ბოლოს უნდა დაასრულოს.

[მანანა სარაშვილი, ახალციხე]