ბორჯომში 64 დევნილ ოჯახს ბინას გადასცემენ

შენობის სარეაბილიტაციო სამუშაოებს სს „სამშენებლო ტრესტი N3“ ასრულებს. შენობას გამოეცვლება სახურავი, მოწესრიგდება გარე ფასადი და შიდა ინტერიერი.

ტენდერში გამარჯვებულმა კომპანიამ სამუშაოები ორი თვის წინ დაიწყო და მიმდინარე წლის სექტემბერში უნდა დაასრულოს. ახალგარემონტებულ ბინაში დევნილებს წლის ბოლომდე შეასახლებენ.

ლტოლვოლთა და განსახლების სამინისტროში განმარტავენ, რომ პირველ ეტაპზე ახალგარემოტებულ შენობაში „ლიკანი–2“– ში მცხოვრები დევნილი ოჯახები შესახლდებიან,რომლებსაც უმძიმეს პირობეში უწევთ ცხოვრება. დარჩენილი ბინები კი სანატორიუმი „ლიკანის“ და „ლიკანი –3„–ის მაცხოვრებლებზე გადანაწილდება.

„პირველ რიგში „ლიკანი–2“ –ში მცხოვრები 35–მდე ოჯახი დაკმაყოფლდება, რადგან სამხარაულის დასკვნის საფუძველზე ამ შენობაში ძალიან ცუდი მდგომარეობაა. დანარჩენებისთვის შეივსება აპლიკაციები, შეფასდება ქულებით და ვისაც ყველაზე მაღალი ქულები ექნება, ისინი დაკმაყოფილდებიან“, – განაცხადა დევნილთა და განსახლების სამინისტროს შიდა ქართლისა და სამცხე – ჯავახეთის ტერიტორიული ორგანოს უფროსმა თამაზ გვიმრაძემ.

მისივე თქმით, ამ ეტაპზე ბორჯომში დაახლოებით 300 დევნილი ოჯახია, რომლებიც განსახლებას საჭიროებენ: „ბორჯომში გაცილებით მეტი დევნილი ოჯახი ცხოვრობს, მაგრამ რამდენიმე ობიექტს ჩაუტარდა რეაბილიტაცია და მათ საკუთრებაში აქვთ გადაცემული, როგორიც არის პლატო, მთის ხეობა და ბალნეოლოგიური“.

2014 წელს 18 ოჯახს ბორჯომში, ვაშლოვანის დასახლებაში მდებარე ყოფილი სამშობიაროს ახალგარემონტებულ შენობაში გადაეცა ბინა.

„ჩვენ გვაქვს შესყიდვის პროგრამაც, რომელიც ითვალიწინებს თანხის გამოყოფას სულთა რაოდნობის მიხედვით. რამდნიმე ოჯახს სანატორიუმ „ბორჯომიდან“ სამტრედიაში ვუყიდეთ ბინა, მაგრამ აქტიურობა ამ მხრივ ძალიან ნაკლებია“, – ამბობს თამაზ გვიმრაძე.

შეგახსენებთ, რომ ბორჯომში მცხოვრები აფხაზეთიდან და სამაჩაბლოდან დევნილი ოჯახები კორპუსების ავარიულობის გამო, წლებია ლტოლვილთა და განსახლების სამინისტროს , ალტერნატიული ფართით დაკმაყოფილებას სთხოვენ.

[თინათინ ზაზაძე, ბორჯომი]