17 ივლისიდან დევნილები ბინების მისაღებად აპლიკაციების შევსებას დაიწყებენ

მსურველებმა აპლიკაციები ახალციხის მუნიციპალიტეტის გამგეობის შენობაში უნდა შეავსონ. განაცხადების მიღება18 ივლისის ჩათვლით გაგრძელდება.

დევნილებს აპლიკაციების შევსება გორშიც შეუძლიათ. აქ განაცხადების მიღება 1 ივნისს დაიწყო და 25 ივლისის ჩათვლით გაგრძელდება.

ახალციხეში, რუსთაველის ქუჩა N113-ში მდებარე შენობაში საცხოვრებელ ფართს 66 იძულებით გადაადგილებული ოჯახი მიიღებს.

შეგახსენებთ, რომ ახალციხეში რეგისტრირებული დევნილებისთვის ახალი საცხოვრებელი, ახალციხეში, რუსთაველის ქუჩის N115–ში, ყოფილი სკოლა – ინტერნატის შენობაში კეთდება. შენობის რებილიტაცია მიმდინარე წლის 4 აპრილს დაიწყო.

ორ სამსართულიან კორპუსში, რეკონსტრუქციის შედეგად, ერთოთახიანი, ოროთახიანი და სამოთახიანი 66 საცხოვრებელი ბინა გაკეთდება.

შენობის რეაბილიტაცია მიმდინარე წლის სექტემბერში დასრულდება.

[Sknews.ge]