როდის განახლდება სწავლა ახალციხის ბაღებში?

ახალციხის სკოლამდელი აღზრდის დაწესებულებათა გაერთიანების ხელმძღვანელის ნანა გელაშვილის განმარტებით, ოთცი ბაღიდან ერთ ბაღში სარრემონტო სამუშაოები უკვე სრულდება და აქ სწავლა მალე განახლდება.

„მეექვსე საბავშო ბაღის შენობა უკვე ჩაბარებულია, აქ უკვე სწავლის დაწყებისთვის ემზადებიან“,- ამბობს ნანა გელაშვილი.

მისივე თქმით, სარემონტო სამუშაოები დანარჩენ სამ ბაღშიც მალე დასრულდება: „წვრილ-წვრილი სამუშაოებია დარჩენილი, რაც რამდენიმე დღეში დამთავრდება“.

ნანა გელაშვილის თქმით, ის საბავშო ბაღები, სადაც რებილიტაცია მიმდინარეობს ინვენტარითაც აღიჭურვება.

„ახალი გარემონტებული საბავში ბაღები ინვენტარითაც იღიჭურვება, ტენდერი უკვე გამოცხადებული გვაქვს, გამარჯვებულიც გამოვლენილია, ინვენტარის ნაწილი უკვე ჩამოსულია, ნაწილიც რამდენიმე დღეში ჩამოვა“,- ამბობს გელაშვილი.

მისივე განმარტებით, სკოლამდელი აღზრდის დაწესებულებების სასწავლო პროცესს სავარაუდოდ 3 თებერვალს განაახლებენ.

შეგახსენებთ, რომ სკოლამდელი აღზრდის დაწესებულებების რეაბილიტაცია ზაფხულში დაიწყო. რეაბილიტაციისთვის თანხა ადგილობრივი ბიუჯეტიდან გამოიყო.რამდენიმე ბაღში სამუშაოების ხარვეზებით შესრულების გამო, მშენებელი ფირმები დააჯარიმეს კიდეც.

[მანანა სარაშვილი, ახალციხე]