ახალციხის ბაღებში სასწავლო პროცესი დღეიდან განახლდა

ახალციხის სკოლამდელი აღზრდის დაწესებულებათა გაერთიანების ხელმძღვანელის ნანა ბერიძის განმარტებით, დღეიდან სასწავლო პროცესი ექვს ბაგა–ბაღმა განაახლა. სკოლამდელი აღზრდის ორი დაწესებულება კი სასწავლო პროცესის დასაწყებად, ამ ეტაპზე მზად არ იყო.

„N1 ბაღში და N1 ბაგაში სარემონტო სამუშაოები მიმდინარეობს და სასწავლო პროცესი 15 სექტემბერს განახლდება“, – განაცადა ნანა ბერიძემ.

მისივე თქმით, ახალციხის ბაღებში მიმდინარე სასწავლო წელს 1300 აღსაზრდელზე მეტი ირიცხება. ამ ეტაპზე ახალი ჯგუფების დამატება არ იგეგმება. არასაკმარისი ადგილების გამო დაახლოებით 70 განაცხადი ვერ დაკმაყოფილდა.

[sknews.ge]