ახალციხის ბაგა-ბაღებში სწავლის განახლება ინვენტარით აღჭურვაზეა დამოკიდებული

მიუხედავად იმისა, რომ ბაგა-ბაღებში სარემონტო სამუშაოები უკვე დასრულებულია, სწავლის დასაწყებად ბაღების ინვენტარით აღჭურვას ელოდებოდნენ.

ახალციხის სკოლამდელი აღზრდის დაწესებულებათა გაერთიანების დირექტორის ნანა გელაშვილის განმარტებით, ამ დროისთვის პირველადი მოხმარების ნივთები მხოლოდ ორ: მეხუთე და მეექვსე ბაგა-ბაღებშია შეტანილი, აღნიშნულ ბაღებში სწავლა 3 თებერვალს, ორშაბათს განახლდება.

დარჩენილ ორ ბაღში კი სწავლა მას შემდეგ დაიწყება, როდესაც ავეჯს შეიტანენ.

“თუ ამ დღეებში მოგვივიდა ინვენტარი, ყველას ერთად ორშაბათს გავხსნით“, - ამბობს ნანა გელაშვილი.

შეგახსენებთ, რომ სკოლამდელი აღზრდის დაწესებულებების რეაბილიტაცია ზაფხულში დაიწყო. რეაბილიტაციისთვის თანხა ადგილობრივი ბიუჯეტიდან გამოიყო. სასწავლო პროცესი ბაგა-ბაღებში 2013 წლის ოქტომბრის ბოლოს შეწყდა.




[sknews.ge]