ინვენტარის შეტანა ვერ მოესწრო, მაგრამ, სწავლა მაინც ოთხივე ბაღში განახლდა.">

სასწავლო პროცესი ახალციხის ყველა ბაღში განახლდა

მთავარი → საზოგადოება » განათლება 03.02.2014

ახალციხის ოთხი საბავშვო ბაღიდან, სადაც რემონტის გამო სწავლა ოქტომბრიდან შეჩერებული იყო, ორში ინვენტარის შეტანა ვერ მოესწრო, მაგრამ, სწავლა მაინც ოთხივე ბაღში განახლდა.

სასწავლო პროცესი ახალციხის ყველა ბაღში განახლდა

ახალციხის სკოლამდელი აღზრდის დაწესებულების დირექტორის ნანა გელაშვილის თქმით, იმის გამო, რომ ტენდერში გამარჯვებულმა კომპანიამ ვადები დაარღვია, ამ ეტაპზე ოთხივე ბაღი ივენტარით სრულად არაა აღჭურვილი. თუმცა, დარჩენილ ორ ბაღში ინვენტარის შეტანა მიმდინარე კვირის ბოლომდე დასრულდება.

„27 იანვარს უნდა ყოფილიყო ბაღების ავეჯით მომარაგება დამთავრებული, მაგრამ დააგვიანეს. ორ ბაღში პირველ ეტაპზე მხოლოდ აუცილებელი ინვენტარი შევიტანეთ. როგორც გვპირდებიან, კვირის ბოლომდე უნდა ჩამოვიდეს ყველა ავეჯი“, - ამბობს ნანა გელაშვილი.

შეგახსენებთ, რომ სკოლამდელი აღზრდის დაწესებულებების რეაბილიტაცია ზაფხულში დაიწყო. რეაბილიტაციისთვის თანხა ადგილობრივი ბიუჯეტიდან გამოიყო. სასწავლო პროცესი ბაგა-ბაღებში 2013 წლის ოქტომბრის ბოლოს შეწყდა.

[თამარ თოთაძე, ახალციხე]