ძლიერი ქარის გამო ადიგენში გზების გაწმენდა ფერხდება

ადიგენის მუნიციპალიტეტის გამგეობაში განმარტავენ, რომ დაბა ადიგენის, სოფლების: უდე-არლისა და ბოლაჯურის მიმართულებით გზები უკვე გაწმინდეს. რაც შეეხება ზედა ზონის სოფლებს, აქ ტექნიკა ამ წუთებშიც მუშაობს. თუმცა, ძლიერი ქარი გაწმენდით სამუშაოებს ხელს უშლის.

„ყველა ცენტრალური გზა გაწმენდილია, ახლაც მუშაობენ შესაბამისი სამსახურები. უბრალოდ ქარი ხელს უშლის, შეიძლება გავწმინდოთ რაღაც მონაკვეთი და მივბრუნდეთ და ისევ დათოვლილი იყოს“, - ამბობს ადიგენის მუნიციპალიტეტის გამგებლის მოვალეობის დროებით შემსრულებელი არსენ ბალახაშვილი.

[თამარ თოთაძე, ახალციხე]