ადიგენში გამგებლის მოვალეობის შემსრულებელი შეიცვალა

ზაქარია ენდელაძე

ადიგენის მუნიციპალიტეტის გამგებლის მოადგილემ არსენ ბალახაშვილმა, რომელიც 2013 წლის სექტემბრიდან ადიგენის გამგებლის მოვალეობას ასრულებდა, გადადგომის შესახებ განცხადება გუშინ, 4 მარტს დაწერა. ბალახაშვილი გამგებლის მოვალეობას აღარ შეასრულებს, თუმცა, ჯერ რჩება გამგებლის მოადგილედ.

ადიგენის მუნიციპალიტეტის გამგებლის მოვალეობის შემსრულებლის პოსტზე არსენ ბალახაშვილი ზაქარია ენდელაძემ ჩაანაცვლა. შეგახსენებთ, ზაქარია ენდელაძე ადიგენის გამგეობაში 26 თებერვალს გამოჩნდა. 27 თებერვალს გამგებლის მოადგილედ დანიშნეს. ბალახაშვილის განცხადების დაკმაყოფილების შემდეგ, გამგებლის მოვალეობის შესრულება ენდელაძეს ავტომატურად დაეკისრა.

ზაქარია ენდელაძე ადიგენის მუნიციპალიტეტის სოფელ ხევაშენიდანაა. 1999 წელს ივ. ჯავახიშვილის სახელობის თსუ-ს მესხეთის ფილიალში ისტორიის ფაკლულტეტი დაამთავრა. 1999 წლიდან 2004 წლამდე, შინაგან საქმეთა სამინისტროს სხვადასხვა ორგანოებში, სხვადასხვა თანამდებობებზე მუშაობდა. 2004 წლიდან 2007 წლამდე იურიდიულ ფაკუკლტეტზე სწავლობდა. 2004 წლიდან 2014 წლის თებერვლის ბოლომდე ადვოკატთა ასოციაციის წევრი იყო და დედაქალაქში საქმიანობდა.

შეგახსენებთ, ადიგენში მოვლენების შესაძლო განვითარების შესახებ "სამხრეთის კარიბჭე" გასულ კვირას წერდა.


არსენ ბალახაშვილი

[მანანა სარაშვილი, ახალციხე]