თოვლის გამო ადიგენის რამდენიმე სოფელში გადაადგილება შეზღუდულია

ფოტო: არქივი

შპს „საგზაო სამშენებლო სამმართველო N2“–ის დირექტორის ავთანდილ კაჭკაჭიშვილის განმარტებით, მუნიციპალიტეტის მასშტაბით დილიდან მიმდინარეობს გაწმენდითი სამუშაოები.

„ხუთი ერთეული ტექნიკა მუშაობს. აბასთუმნის, ბოლაჯურის და ენთელის მიმართულებით გზა უკვე გაწმენდილია. ამ ეტაპზე გზების გაწმენდა მიმდინარეობს დაბა ადიგენში და ლელოვანის მიმართულებით. როგორც კი დაასრულებენ, გადავლენ მოხეში“, – ამბობს ავთანდილ კაჭკაჭაშვილი.

მისი განმარტებით, ამ ეტაპზე მოხეში მხოლოდ მაღალი გამავლობის მანქანების გადადგილებაა შესაძლებელი.

„ნამინაურს და მის მიმდებარე სოფლებს ცეპებიანი ტრაქტორებით გაწმინდავენ. ადგილობრივები გვყავს დაქირავებული“, – გვითხრა ავთანდილ კაჭკაჭაშვილმა.

[ნუკა სტეფნაძე, ადიგენი]