ახალციხეში 'კრედომ' მუშაობა განაახლა

როგორც, ბანკი ,,კრედოს" მარკეტინგული კომუნიკაციების მენეჯერი, მეგი გურგენიძე ამბობს ბანკმა ფუნქციონირება 23 ოქტომბერს განაახლა და ჩვეულ რეჟიმში აგრძელებს მუშაობას.

„ჩატარდა ყველა საჭირო სამუშაო და მივიღეთ ნებართვა, რომ სერვისცენტრი გახსნილიყო სარეზერვო თანამშრომლების დატვირთვით", – ამბობს მეგი გურგენიძე.

მისივე განმარტებით, ბანკის კოვიდინფიცირებულ თანამშრომელთან მყოფი ყველა კონტაქტი თვითიზოლაციაშია, თავს კარგად გრძნობენ და ამ დრომდე ტესტირება არ ჩატარებიათ.

„25 თანამშრომელი იმყოფება თვითიზოლაციაში, ისინი ტესტირებას არ საჭიროებენ, როგორც გვითხრეს ტესტირება ჩატარდება იმ შემთხვევაში თუ რაიმე სიმპტომის გამოვლინება მოხდება, ამ ეტაპზე ყველა მათგანი თავს კარგად გრძნობს",– აღნიშნა გურგენიძემ.

ახალციხეში ბანკი „კრედო“ 21 ოქტომბერს დაიკეტა, თანამშრომელს კორონავირუსი დაუდასტურდა.

[ნუკა სტეფნაძე]