ახალციხეში სტომატოლოგიური კლინიკის თანამშრომელს კორონავირუსი დაუდასტურდა

კლინიკის მფლობელის, არტურ ბალასანიანის განცხადებით, ინფიცირებული ბოლო ოთხი დღე სამსახურში არ დადიოდა, რადგან სიცხე ჰქონდა.

„ჯანდაცვის სამინისტროს რეგულაციებიდან გამომდინარე, დღეიდან 31 ოქტომბრამდე კლინიკის ყველა თანამშრომელი თვითიზოლაციაში გადავიდა", – აცხადებს ბალასანიანი.

მისი თქმით, თანამშრომლის ინფიცირების წყარო ექიმია: "ჩემი თანამშრომლის შვილს ჰქონდა კორონავირუსი, ის თავისი თანაკლასელისგან დაინფიცირდა, რომლის დედაც ექიმია. სიცხე აღენიშნებოდა და ბოლო ოთხი დღე არ უვლია სამსახურში“,- განმარტა ბალასანიანმა.

დღეს, 23 ოქტომბერს სამცხე-ჯავახეთში კორონავირუსით კიდევ 30 პირი დაინფიცირდა. აქედან 11–11 ახალციხესა და ახალქალაქშია, ასპინძაში –5, ნინოწმინდაში –2, ადიგენში კი 1.

[რიმა სარუხანიან]