ახალციხეში 'კრისტალის' ფილიალში ერთ თანამშრომელს კორონავირუსი დაუდასტურდა

როგორც, „კრისტალის“ სტრატეგიული კომუნიკაციების სამსახურის ხელმძღვანელი, ეკა ერგემლიძე ამბობს, მათ ერთ თანამშრომელს კორონავირუსი გუშინ, 23 ოქტომბერს დაუდასტურდა. მუშობას აგრძელებს ამ დროისთვის ფილიალი, ხოლო ინფიცირებულთან კონტაქტში მყოფი ერთი თანამშრომელი თვითიზოლაციაში რჩება.

„სამწუხაროდ არავინ არ არის დაზღვეული. მიუხედავად იმისა, რომ მკაცრად ვიცავთ წესებს ყველა ფილიალში, ჩვენს ერთ თანამშრომელს, რომელმაც 17 ოქტომბერს თქვა, რომ ყელი ტკიოდა მაშინვე იქნა გადაყვანილი თვითიზოლაციაში, რა თქმა უნდა ეპიდემიოლოგები იყვნენ ჩართული ამ პროცესში და აიღეს სინჯები. პასუხი გუშინ გახდა ცნობილი რომ კოვიდი დაუდასტურდა", – განაცხადა ეკა ერგემლიძე.

როგორც, „კრისტალის“ სტრატეგიული კომუნიკაციების სამსახურის ხელმძღვანელი ამბობს ამ დროსითვის „კრისტალში“ ჩატარებულია სადენზიფიქსაციო სამუშაოები და ორგანიზაცია მუშაობას განაგრძობს.

„ინფიცირებულთან კონტაქტში მყოფი იყო ერთი თანამშრომლი, რომელსაც შემხებლობა ქონდა სამსახურს გარეთ და მეორე დღეს 18–ში ისიც გავუშვით სახლში თვითიზოლაციაში, რაც შეეხება სადენზიფიქსაციო სამუშაოებს ზუსტად დრო არ ვიცი, მაგრამ როგორც კი პასუხი გავიგეთ გუშინ, გუშინვე ჩავატარეთ ყველა სახის სამუშაოები“, – განმარტა ერგემლიძემ.

ამ დროისათვის სამცხე–ჯავახეთში, კოვიდინფიცირებულების რაოდენობა 221–მდე გაიზრდა, რაც შეეხება ბანკის თანამშრომლების ინფიცირებას, ახალციხეში უკვე მეორე შემთხვევა ფიქსირდება. covid-19 ახალციხეში ბანკი „კრედოს“ თანამშრომელს 21 ოქტომბერს დაუდასტურდა.

[ნუკა სტეფნაძე]