ადიგენში მცხოვრებ ორ პირს კორონავირუსი დაუდასტურდა

როგორც სოფელ ჭეჭლის მცხოვრებლები ამბობენ, ახალგაზრდა ქალსა და კაცს ტესტები ადგილზე, სოფელში აუღეს: „ამოსულები იყვნენ ეპიდემიოლოგები და აუღეს ანალიზები. ვიცით, რომ ბათუმში ქორწილში იყვნენ“, - ამბობენ ადგილობრივები.

მათივე თქმით, ამავე ქორწილში იმყოფებოდნენ მოხისა და ღორთუბნის მცხოვრებლებიც, რომლებსაც ტესტირება ჩაუტარდათ, მათი ნაწილი კი თვითიზოლაციაშია: “თანასოფლელის ქორწილში იყვნენ ბათუმში წასულები, როგორც ვიცი ჭეჭლაში მცხოვრებლებს ორს კორონავირუსი დაუდასტურდა, რაც შეეხება მოხეს, აქედან სამი ოჯახი იყო წასული სულ 10 კაცი და მათ ანალიზები 19 სექტემბერს აუღეს, ყველას პასუხი უარყოფითია“, – ამბობს გიორგი მეტრეველი.

მისივე განმარტებით, ათივე მათგანი სახლში თვითიზოლაციაში იმყოფება.

ადიგენის სოფლებში რამდენ პირს ცაუტარდა ტესტირება კორონავირუსზე, უცნობია. „სამხრეთის კარიბჭესთან“ არ საუბრობენ, დაავადებათა კონტროლის ეროვნულ ცენტრში, ინფორმაცია ვერ მივიღეთ, ვერც ადიგენის მერიიდან და ვერც ადიგენის საზოგადოებრივი ჯანდაცვის ცენტრიდან: „ჟურნალისტების დრო არ მაქვს, არ მცალია!“, - განაცხადა რედაქციასთან ცენტრის ხელმძღვანელმა რუიზან ქიმაძემ.

[ნუკა სტეფნაძე]