ახალციხეში ავტოავარია მოხდა

როგორც ადგილობრივები ამბობენ, მსუბუქი ავტომანქანა ცენტრალურ გზაზე მოძრაობდა, მასში ორი მგზავრი იმყოფებოდა.

ავარიის შემდეგ ადგილზე სასწრაფო-სამედიცინო დახმარების ჯგუფი მივიდა: „ერთი მამაკაცი გადავიყვანეთ რეფერალურ ჰოსპიტალში მხრის ტრავმით, მეორე ახალგაზრდა მამაკაცმა უარი თქვა მომსახურებაზე“, - აცხადებენ სასწრაფოში.

ახალციხის რეფერალური ჰოსპიტალის ხელმძღვანელი რეზო კუჭუხიძე ამბობს, რომ მამაკაცის მდგომარეობა მსუბუქია: „სტაბილურად არის, ამ დროისათვის მდგომარეობა მძიმე არ არის, გარეგანი მოტეხილობები არ აქვს, მიმდინარეობს კვლევები“.

შსს-ს ინფორმაციით, საქმეზე ძიება სსკ-ის 276 მუხლის მეორე ნაწილით მიმდინარეობს, რაც ტრანსპორტის მოძრაობის წესების დარღვევას გულისხმობს, რამაც ჯანმრთელობის დაზიანება გამოიწვია.

[თაკო ფეიქრიშვილი]