ავარიისას დაშავებული კაცი საავადმყოფოში გადაიყვანეს

ახალციხის რეფერალურ ჰოსპიტალში დაშავებული სასწრაფომ შეიყვანა. ამ ეტაპზე მას კვევები უტარდება: „ამ ეტაპზე მდგომარეობა მძიმე არ არის. გავწერთ თუ არა, ეს გამოკვლევების მერე გადაწყდება“,– გვითხრა საავადმყოფოს დირექტორმა რევაზ კუჭუხიძემ.

შსს-ს ინფორმაციით, საქმეზე გამოძიება სსკ-ს 276-ე მუხლის მეორე ნაწილით მიმდინარეობს, რაც ტრანსპორტის მოძრაობის წესების დარღვევას გულისხმობს, რამაც ჯანმრთელობის დაზიანება გამოიწვია.

შემთხვევა დღეს, 7 აგვისტოს დაახლოებით 13:00 საათზე მოხდა. კაცს „ნისანის“ მარკის ავტომანქანა დაეჯახა. როგორც თვითმხილველები ამბობენ, იგი გზაზე გადადიოდა.

[რიმა სარუხანიან]