სოფელ ხერთვისთან ავარიის შედეგად ოთხი პირი დაშავდა

ავტოსაგზაო შემთხვევა დღეს, 24 ივლისს, დაახლოებით 19:00 საათზე მოხდა. როგორც ადგილობრივები ამბობენ, „ტოიოტას“ მარკის ავტომობილი ხერთვისის გადასახვევიდან ამოვიდა და ცენტრალურ გზაზე „მერსედესს“ შეეჯახა.

შემთხვევის შედეგად, დაშავდა „ტოიოტაში“ მყოფი ოთხი პირი.

„მდგომარეობა მსუბუქია, ძირითადად დაჯეჟილობები აღენიშნებათ, ვაგზავნით ახალციხეში“, - ამბობენ ასპინძის სამედიცინო დაწესებულებაში.

დაშავებული ოთხი პირი ახალციხის რეფერალურ ჰოსპიტალში შეიყვანეს. ამ დროისათვის, მათ კვლევები უტარდებათ.

შსს-ს ინფორმაციით, საქმეზე მიმდინარეობს გამოძიება სსკ-ის 276-ე მუხლის მეორე ნაწილით, რაც ტრანსპორტის მოძრაობის წესების დარღვევას გულისხმობს, რამაც ჯანმრთელობის დაზიანება გამოიწვია.



[sknews.ge]