ასპინძაში ველოსიპედით მოძრავ მოზარდს მანქანა დაეჯახა

შემთხვევა დღეს, 4 აგვისტოს დაახლოებით 17:00 საათზე მოხდა. როგორც თვითმხილველები ამბობენ, მოზარდს „მიცუბიშის“ მარკის ავტომანქანა დაეჯახა და მძიმედ დაშავდა.

დაშავებული სასწრაფო სამედიცინო სამსახურის ჯგუფმა ახალციხის რეფერალურ ჰოსტიპალში გადაიყვანა, რის შემდეგაც, იგი თბილისში გაწერეს.

„რამდენი წუთის წინ შემოიყვანეს ჩვენთან. გაეწია პირველადი სამედიცინო დახმარება. უკვე მოსულია კატასტროფის ბრიგადა, რომელიც თბილისში გადაიყვანს. ზედაპირული დაკვირვებით და პირველი გამოკვლევებით, მოტეხილობები არ ჩანს. პაციენტი შემოყვანისას გონზე არ იყო, მდგომარეობა მძიმეა“, – ამბობს ახალციხის რეფერალური ჰოსპიტალის დირექტორი რევაზ კუჭუხიძე.

შსს-ს ინფორმაციით, საქმეზე მიმდინარეობს გამოძიება სსკ-ს 276-ე მუხლის მეორე ნაწილით, რაც ტრანსპორტის მოძრაობის წესების დარღვევას გულისხმობს, რამაც ჯანმრთელობის დაზიანება გამოიწვია.

[ნუკა სტეფნაძე]