ნინოწმინდელი პატიმარი ციხის ადმინისტრაციას ძალადობაში ადანაშაულებს

„სამხრეთის კარიბჭესთან“ ბრალდებული ა.ა-ს ადვოკატი, გიორგი ლალუაშვილი ამბობს, რომ მისი დაცვის ქვეშ მყოფს ციხის თანამშრომლები ფიზიკურ შეურაცხყოფას აყენებენ, ამიტომ იგი იძულებული გახდა პროტესტის უკიდურესი ზომისთვის მიემართა.

ადვოკატი ითხოვს პატიმარი განცალკევებულ საკანში გადაიყვანონ.

„პატიმრი ამბობს, რომ შიმშილობს, მაგასაც ხომ თავისი წესი აქვს?! ამ საკითხზე დავწერე საჩივარი, ვუთხარი მოაქციეთ ცალკე საკანში, არ შეიძლება, კაცი როცა შიმშილობს რამდენიმე კაცთან არ უნდა იყოს. პატიმარი ჩემთან ამბობს, რომ ადმინისტრაცია რაღაცნაირად მექცევა და გამარტყეს კიდეცო“,-ამბობს ადვოკატი.

სახელმწიფო ინსპექტორის სამსახურის საგამოძიებო დეპარტამენტში „სამხრეთის კარიბჭესთან“ განაცხადეს, რომ მიმდინარეობს გამოძიება სამსახურებრივი უფლებამოსილების ძალადობით გადამეტების ფაქტზე, საქართველოს სისხლის სამართლის კოდექსის 333-ე მუხლის მე-3 ნაწილის „ბ“ ქვეპუნქტით. საქმეზე ინტენსიურ რეჟიმში ტარდება საგამოძიებო და საპროცესო მოქმედებები.

ნინოწმინდაში, სოფელ გორელოვკაში მცხოვრებ ა.ა-ს ოჯახის წევრებზე ძალადობისთვის ხუთი წელი, ახალქალაქის სასამართლომ ერთი წლისა და ცხრა თვის წინ მიუსაჯა. როგორც ადვოკატი აღნიშნავს, პირი ბრალს აღიარებდა, თუმცა ახლა ჩადენილს უარყოფს.

„მან თავიდან აღიარა და დოკუმენტზეც ხელი ჰქონდა მოწერილი რომ იძალადა, ახლა კიდევ რომ ვკითხე მითხრა არ ვაღიარებო, ჩემი ცოლი დააშანტაჟეს, ზეგავლენა მოახდინეს და მაგიტომ დაწერა ჩემს წინააღმდეგო“,-ამბობს ადვოკატი.

ჩვენს ასევე ვცდილობთ პენიტენციურ დაწესებულებასთან დაკავშირებას, ცხელ ხაზზე გვითრეს, რომ მათ სამუშაო დღეებში დავუკავშირდეთ.

პატიმრის შიმშილობის შესახებ პირველად ინფორმაცია ფეისბუქის გვერდზე ჟურნალისტმა, ელისო კილაძემ გაავრცელა. მისი თქმით ამბავი, უცხოეთიდან პირმა მიაწოდა.

[მარიამ ბარძიმაძე, ახალციხე]