მწვანე ზონიდან გადასულები ვართ – მარინა ეზუგბაია

"მწვანე ზონიდან გადასულები ვართ, მაგრამ ეს მაჩვენებელი ძალიან დაბალია. 10 არის მაქსიმალური მწვანე ზონა და 10,2 გვაქვს ჯერჯერობით. თუ ჩვენ შევინარჩუნებთ სიტუაციას, როგორიც გვაქვს, გავუმკლავდებით ამას და პრობლემა არ გვექნება", — განაცხადა მარინა ეზუგბაიამ.

მისი თქმით, 87 შემთხვევიდან 10 ინფიცირებულის წყარო უცნობია.

„დაგვემატა 87 ახალი შემთხვევა, 1917 დადასტურებული შემთხვევა გახდა. ამ 87 ახალი შემთხვევიდან, 29 არის ბათუმის შემთხვევები, 24 ქუთაისის სკოლის შემთხვევაა, 12 არის დადასტურებულ შემთხვევასთან კონტაქტი, 5 არის მოგზაურობის ისტორიით აჭარაში, 4 იმპორტირებულია, აქედან 3 სატვირთო ავტომანქანის მძღოლია, 3 შემთხვევა სამედიცინო პერსონალია, 10 შემთხვევაზე მიმდინარეობს ეპიდკვლევა კონტაქტების გამოვლენის და წყაროს დადგენის მიზნით“,- ამბობს ეზუგბაიამ.

ეს საქართველოში ეპიდემიის გავრცელებიდან დღიურ ინფიცირებათა ყველაზე მაღალი მაჩვენებელია.

11 სექტემბრის მონაცემებით, საქართველოში ინფიცირების შემთხვევთა რაოდენობამ 1 917-ს მიაღწია. გამოჯანმრთელებულია 1354 პაციენტი.

[sknews.ge]