11 ინფიცირებულის წყარო უცნობია, გრძელდება კვლევები – ეზუგბაია

ეზუგბაიას განცხადებით, ყველაზე მეტი, 90 შემთხვევა კვლავ აჭარაში დადასტურდა, დანარჩენი შემთხვევებიდან კი, 15 – ქუთაისის სკოლას უკავშირდება, 15 „ენგურჰესს“, 17 დაავადებულთან კონტაქტია, ხოლო ოთხი შემთხვევა შემოტანილია.

მან ასევე დასძინა, რომ დღეს გამოვლენილი შემთხვევების რაოდენობა მანიშნებელია სიტუაცია სტაბილურობის, რადგან გუშინდელზე მეტი შემთხვევა არ გამოვლენილა.

„152 შემთხვევის გამოვლენა ეს არის ძალიან აქტიური კვლევების ჩატარების შემდეგ, ეს არის იმის საწინდარი, რომ ყველა გამოვლენილი შემთხვევა და მათი იზოლაცია გავრცელების პრევენციის საფუძველი გახლავთ. ჩავთვალოთ, რომ ეს ორი სამი დღე თუ ჩვენ დინამიკაში მატება არ გვექნება, შევინარჩუნებთ ამ მაჩვენებელს და ნელ-ნელა როგორც დღეს იყო ნაკლები, გუშინდელთან შედარებით და ასე გაგრძელდება, ეს ნიშნავს, რომ ქვეყანაში ჩატარებული სამუშაოები მყისიერი და თანაზომადი არის ეფექტური, რაც იმას ნიშნავს, რომ გარკვეულწილად გავრცელების პრევენციას მოვახერხებთ ყველა გამოვლენილის იზოლაციით“,– განაცხადა ეზუგბაიამ.

13 სექტემბრის დილის მონაცემებით საქართველოში კორონავირუსის გავრცელება ასეთია:

• კორონავირუსის დადასტურებული შემთხვევა - 2227;
• მათ შორის გამოჯანმრთელებული - 1369;
• მათ შორის გარდაცვლილი - 19;
• კარანტინის რეჟიმში - 5882;
• სტაციონარში მეთვალყურეობის ქვეშ - 390;
• *უცხოეთიდან სამკურნალოდ გადმოყვანილი საქართველოს მოქალაქეები - 41.

[sknews.ge]