8 ახალი შემთხვევიდან 6 სატვირთო ტრანსპორტის მძღოლია–ეზუგბაია

„ქვეყანაში დაგვემატა რვა ახალი შემთხვევა, ერთი არის დადასტურებული შემთხვევის კონტაქტი, დანარჩენი შვიდი შემოტანილია, აქედან ექვსი არის სატვირთო ავტომობილის მძღოლი, ხოლო ერთიც საქართველოს მოქალაქე“, – განაცხადა მარინა ეზუგბაიამ.

როგორც ეზუგბაიამ ჟურნალისტებთან საუბრისას განაცხადა, თბილისის ინფექციურ საავადმყოფოში დღე–ღამის განმავლობაში ოთხი ახალი შემთხვევა დაემატათ და სულ კილიკაში 23 პაციენტი მკურნალობს.

„ოთხივე არის სატვირთი მანქანის მძღოლი, ორი აზერბაიჯანიდან შემოსული, ერთი ბელორუსიიდან და ერთი საქართველოს მოქალაქეა. ყველა მათგანს ჩაუტრადა კვლევები და ამ ეტაპზე არცერთი მათგანი წარმოადგენს მძიმე პაციენტს“, – თქვა ეზუგბაიამ.

მისივე განმარტებით, კლინიკაში მყოფი 23 პაციენტიდან უმეტესობის მდგომარეობა საშუალო სიმძიმისაა და მათთნ სირთულეს ვირუსი არ წარმოადგენს.

საქართველოში კორონავირუსის 939 დადასტურებული შემთხვევა ფიქსირდება, აქედან 817 გამოჯანმრთელდა, ხოლო 15 გარდაიცვალა. 3 080 პირი კარანტინის რეჟიმში იმყოფება, სტაციონალური მეთვალყურეობის ქვეშ კი 242 მოქალაქე რჩება.

[ნუკა სტეფნაძე]