57 ახალი შემთხვევიდან 8 პაციენტის წყარო უცნობია

10 სექტემბრის მონაცემებით, ქვეყანაში 469 კოვიდინფიცირებული პაციენტი მკურნალობს. 57 შემთხვევიდან 27 ბათუმში დაფიქსირდა.

„57 ახალი შემთხვევიდან 5 პაციენტის წყარო არის საკონდიტრო „დონა“, 14 პაციენტის ინფიცირება დაკავშირებულია ბათუმთან, 18 პირი დადასტურებულ შემთხვევებთან კონტაქტის შედეგად დაინფიცირდა, 4 პაციენტის ინფიცირება უკავშირდება აჭარაში მოგზაურობის ისტორიას, ინფიცირების 3 შემთხვევა არის შემოტანილი, საიდანაც 2 სატვირთო ავტომობილის მძღოლია, 5 არის სამედიცინო პერსონალი, ხოლო 8 პაცინეტის წყარო ჯერ–ჯერობით უცნობია“, – ამბობს ეზუგბაია.

ეზუგბაიას განცხადებით 469 პაციენტიდან ოთხი კრიტიკულად მძიმეა, ხოლო 18 მძიმე პაციენტია.

დღევანდელი მონაცემებით, ინფიცირების 1 830 შემთხვევაა დაფიქსირებული, გამოჯანმრთელდა 1 334 პაციენტი.

[ნუკა სტეფნაძე]