8 ახალი შემთხვევიდან 5–ის ინფიცირების წყარო უცნობია

ეზუგბაიამ დღევანდელ ბრიფინგზე განაცხადა, რომ ბოლო 24 საათში ინფიცირებული პაციენტებიდან 2 სამედიცინო პერსონალია, 1 სატვირთო მანქანის მძღოლი, 5 საკარანტინო სივრციდან არის, 5-ის დაინფიცირების წყარო კი უცნობია.

12 ივნისის მონაცემებით კოვიდცენტრებში 136 პაციენტი მკურნალობს, აქედან 38 პაციენტი ინფექციურ საავადმყოფოშია.

„დაახლოებით 10 ადამიანის დაინფიცირების წყარო არ ვიცით, თუმცა შეიძლება რომელიმეს წყარო დადგენილი იყოს, ჩემთვის უცნობია, ჯერჯერობით. ახალი ინფიცირებულებიდან ჩვენთან ორი ახალი შემოიყვანეს, ეს არის იმპორტირებული შემთხვევა. ჩვენი სპექტრი სიმძიმის მიხედვით არ შეცვლილა, კვლავ მხოლოდ 2 მძიმე პაციენტი გვყავს, რომელთა დაავადების პროგრესირება არ ხდება, სტაბილურია უკვე სიტუაცია და რამდენიმე დღეში შეგვიძლია ვთქვათ, რომ მათი პროგნოზი აღარ იქნება საყურადღებო და კეთილსაიმედო იქნება”, - განაცხადა ეზუგბაიამ.

საქართველოში კორონავირუსით ინფიცირების შემთხვევათა რაოდენობა 851–მდე გაიზარდა, გამოჯამრთელებულია 702 ადამიანი.

[sknews.ge]