ახალქალაქში ავარიას ერთი ადამიანი ემსხვერპლა სამი კი დაშავდა

ფოტო: ATV12
შემთხვევა დღეს, შვიდ სექტემბერს მოხდა. სამი დაშავებული ახალქალაქის კლინიკაშია გადაყვანილი.

„სამი შემოიყვანეს, აქედან ორი არასრულწლოვანია, მეთვალყურეობის ქვეშ იმყოფებიან, მათი მდგომარეობა სტაბილურია“,- გვითხრა ახალქალაქის კლინიკის ხელმძღვანელმა ალექსანდრე თოროიანმა.

საქმეზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს იმის მიერ, ვინც ამ სატრანსპორტო საშუალებას მართავს, რამაც ადამიანის სიცოცხლის მოსპობა გამოიწვია. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

[sknews.ge]