ახალქალაქში ავარიის შედეგად დაშავებულებიდან კლინიკაში ერთი მცირეწლოვანი რჩება

ახალქალაქის კლინიკის დირექტორის, ალექსან თოროსიანის განცხადებით, დაშავებული პაციენტის მდგომარეობა სტაბილურია და მეთვალყურეობის ქვეშ იმყოფება.

შემთხვევა 7 სექტემბერს მოხდა, ახალქალაქში, კუმურდოს გზაზე მსუბუქი მანქანა და მიკროავტობუსი ერთმანეთს შეეჯახა, მომხდარის შედეგად ადგილზე გარდაიცვალა ერთი ადამიანი, დედა და ორი მცირეწლოვანი ბავშვი კი დაშავდა.

შინაგან საქმეთა სამინისტრომ მომხდარზე გამოძიება 276-ე მუხლის მე-6 ნაწილით დაიწყო, რაც ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს იმის მიერ, ვინც ამ სატრანსპორტო საშუალებას მართავს, რამაც ადამიანის სიცოცხლის მოსპობა გამოიწვია. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

[რიმა სარუხანიან]