ბორჯომში ავარიას ბავშვი ემსხვერპლა

ფოტო: არქივი
ინფორმაციას ტელეკომპანია "ბორჯომი" ავრცელებს. მათი განცხადებით, მსუბუქი ავტომობილი, რომელშიც ხუთი მგზავრი იყო ბორჯომიდან თბილისის მიმართულებით მოძრაობდა.

ხუთივე დაშავებული ჯეოჰოსპიტალსის ბორჯომის სამედიცინო ცენტრში გადაიყვანეს, თუმცა ბავშვის გადარჩენა ვერ მოხერხდა.

ბორჯომის სამედიცინო ცენტრის დირექტორმა, ირაკლი დიასამიძემ "სამხრეთის კარიბჭესთან" განაცხადა, რომ დაშავებულების მდგომარეობა სტაბილურია.

შინაგან საქმეთა სამინისტრომ მომხდარზე გამოძიება 276 მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

[sknews.ge]