რვასაათიანი დაკითხვა დასრულდა

ზაქაიძე ადვოკატთან, გიორგი ჯვარიძესთან ერთად, ჯერ ისევ ახალციხის რაიონულ სამმართველოში იმყოფება. თუ პირველად, დაკითხვიდან გამოსული ჯვარიძე ღიად აცხადებდა, რომ ეს იყო პოლიტიკური ზეწოლა, ახლა ამბობს, რომ ზაქაიძე ”ქართულ ოცნებასთან” კავშირის გამო არ დაუკითხავთ.

-”ვეღარ ვიტყვი, რომ ”ქართულ ოცნებასთან” კავშირის გამო დაკითხეს. სხვა გარემოებები გამოიკვეთა, აღმოჩნდა, რომ დავა მართლაც არსებობდა. 2005 წელში ყოფილა აღძრული სისხლის სამართლის საქმე, რომელიც მერე რატომღაც გაჩერდა - ამბობს ჯვარიძე - რატომ გაჩერდა არ ვიცით, რადგან ამ ეტაპზე ზაქაიძე მოწმის სტატუსით იკითხება და საქმის მასალებს ჩვენ არავინ გაგვაცნობს”.

ადვოკატის განმარტებით, ზაქაიძეს კონრეტული პიროვნება ფქვილთან დაკავშირებით მართლაც უჩივის, მისგან გარკვეული რაოდენობის თანხას ითხოვს, ასევე ითხოვს, რომ დასაჯონ.

-”2005 წელში აღძრული საქმე 2011 წლის ნოემბერში განახლდა და ახლაც გრძელდება, - აცხადებს ჯვარიძე და ამატებს - ჯერ სამმართველოს შენობა არ დაგვიტოვებია, რაღაცა გადაწყვეტილებას ველოდებით, რა გადაწყევტილებას არ ვიცი”.

[თამუნა უჩიძე, ახალციხე]