რვასაათიანი დაკითხვა 12 წლის წინ მომხდარის შესახებ

კოალიცია “ქართული ოცნების” ასპინძის შტაბის წევრმა ნუგზარ (მერაბ) ზაქაიძემ ადვოკატთან ერთად ახალციხის რაიონული სამმრთველოს შენობა წუხელ ღამის ორ საათზე დატოვა. ახალციხის რაიონული სამმართველოს დეტექტივის თანაშემწე-გამომძიებელი ზვიად ზარიძე მას რვა საათის განმავლობაში ჰკითხავდა.

- ”გვითხრეს, რომ სხვებიც უნდა დაკითხონ, შემდეგ შეაჯერებენ ამ ყველაფერს და თუ ბრალდებულად სცნეს ზაქაიძე შეგვატყობინებენ თუ არადა საქმეს შეწყვეტენ”, - განუცხადა ”სამხრეთის კარიბჭეს” ზაქიაძის ადვოკატმა გიორგი ჯვარიძემ.

ჯვარიძემ დაკითხვიდან პირველად გამოსვლის შემდეგ განაცხადა, რომ საქმე 2001 წელს მომხდარ შემთხვევას ეხებოდა. დაკითხვის შემდეგ კი გვითხრა, რომ ახალი გარემოებები გამოიკვეთა და რელურად, ზაქაიძე 2005 წელს აღძრულ სისხლის სამართის სამქესთან დაკავშირებით, მოწმის სტატუსით იკითხებოდა.

- ”ზაქაიძეს ფქვილთან შეხება სულ ორჯერ ჰქონდა, პირველად 1998 წელს და მეორედ 2000 წელს. თავიდან გვეგონა, რომ ზაქაიძე 1998 წელს ფქვილის გაყიდვის ამბავთან დაკავშირებით იკითხებოდა, შემდეგ კი გაირკვა, რომ საქმე ეხებოდა 2000 წელში გაყიდული ფქვილის შემთხვევას” - გვიხსნის ჯვარიძე.

სწორედ 2000 წელში მომხდართან დაკავშირებით აღიძრა სისხლის სამართლის სამქე 2005 წელს, მაგრამ ფაქტებისა და მტკიცებულებების არ არსებობის გამო შეწყვიტეს და მიმდინარე წელს ისევ განაახლეს. საქმე სისხლის სამართლის კოდექსის 180-ე მუხლითაა აღძული.

ადვოკატის განმარტებით საქმე ხანდაზმულია, რადგან თუ დავუშვათ და დანაშაული მოხდა 2000 წელს, მოქმედი კანონმდებლობით დამნაშავე 2010 წლამდე უნდა დაესაჯათ. საქმის ხანდაზმულობა დანაშაულის ჩადენიდან ითვლება: ” ზაქაიძე დანმაშავეც რომ იყოს, რადგან საქმე ხანდაზმულია და აქამდე არ დასაჯეს, ახლა უნდა გაათავისუფლონ”.

ჯვარიძე აცხადებს, რომ ამ საქმის ხელახლა წამოწევა ზაქაიძის ”ქართულ ოცნებასთან” კავშირის გამო მოხდა: ”ეს არის პოლიტიკური ზეწოლა. იგივეს ფიქრობს თავად ზაქაიძეც”.

კოალიცია ”ქართული ოცნების” შტაბის ხელმძღვანელის ტარიელ ივანიშვილი განცხადებით ზეწოლა ზაქაიძეზე აქამდეც არა ერთხე განხორცილედა: ”პირველი იყო ის, რომ მისი მეუღლე სასწრაფო დახმარების სამსახურიდან გაათავისუფლეს. ამასთან, ზაქაიძეს მცირე ”გაზის ზაპრავკა” ჰქონდა, რის გამოც ორჯერ დააჯარიმეს, მათ შორის ერთ-ერთი მიზეზი ის იყო, რომ მანქანა გზის სავალ ნაწილზე დგასო. მაშინ როცა, ეს მანქანა აქ 10 წელია ასე დგას”.

იმის გამო, რომ ზაქაიძე მოწმის სტატუსით იკითხება, ადვოკატს საქმის მასალებს არ აცნობენ.

ტარიელ ივანიშვილი კი აცხადებს, რომ განზრახულია ზაქაიძის დაკავება: ”თუ ნახავთ შემთხვევას, რომ იმავე სამმართველოში რვა საათის განამვლობაში ვინმეს ჰკითხავდნენ, მაშინ ვიტყვი რომ ვცდები”.

[თამუნა უჩიძე, ახალციხე]