"ქართული ოცნების" წევრი ამ წუთებში დაკითხვაზე იმყოფება

”ქართული ოცნების” ასპინძის რაიონული შტაბის წევრი ნუგზარ ვლადიმერის ძე ზაქაიძე შსს ახალციხის რაიონულ სამმართველოში მოწმის სტატუსითაა დაბარებული.

- ”26 ივნისს, 13 საათზე, გიბარებთ მისამართზე: ქ.ახალციხე, თამარაშვილის ქ.#1, შსს ახალციხის რაიონული სამმართველოს წარმოებაში არსებული სისხლის სამართლის #01605870 საქმეზე მოწმის სახით დაკითხვის მიზნით. გამოძახებული პირი ნუგზარ ვლადიმერის ძე ზაქაიძე უნდა გამოცხადდეთ მისამართზე: ქ.ახალციხე, თამარაშვილის ქ.#1, შსს ახალციხის რაიონულ სამმართველოს ადმინისტრაციულ შენობაში მესამე სართულზე”, - ნათქვამია უწყებაში, რომელიც ზაქაიძემ შსს-ს ახალციხის რაიონული სამმართველოდან მიიღო.

რა საქმეზეა დაბარებული ზაქაიძე, ჯერჯერობით უცნობია. ”ქართული ოცნების” ასპინძის შტაბის უფროსი ტარიელ ივანიშვილი კომენტარის გაკეთებისგან თავს იკავებს.

-”ის საქმე, რაზეც დაბარებული ჰყავთ, კარგა ხანია დახურულია”, - ამბობს იგი.

”სამხრეთის კარიბჭეს” ჟურნალისტი ამ წუთებში პოლიციის შენობასთან იმყოფება. დამატებით ინფორმაციას მოგვაინებით მოგაწვდით.

[sknews.ge]